«Հայաստանում ստեղծված է սարսափելի իրավիճակ, որի հանգուցալուծումը, ցավոք, դեռևս տեսանելի չէ»,- «Առաջին լրատվական»- ի հետ զրույցում այս մասին ասաց Հովհ. Թումանյանի թանգարանի տնօրեն Նարինե Թուխիկյանը: Նրա դիտարկմամբ՝ ստեղծված իրավիճակի պատճառները հստակ են. «Երբեք ապստամբությունը, ընդվզումը պարապ տեղը չեն առաջանում, մարդիկ, հանրությունը հասունանում են դրա համար, մենք տարիներ շարունակ հասունացրել ենք այս իրավիճակը՝ անպաշտպանության մթնոլորտը, հիմնականում հումանիզմի պակասը և անարդարությունը: Կարելի է մեկ անգամ կեղծել ընտրություններ, երկու անգամ, բայց դա երբ որ դառնում է ավանդույթ, որ «այդպես էլ պիտի լինի՝ խաղ չկա մեր դեմ», ուրեմն մի օր դա պայթելու է»:
Անդրադառնալով դիտարկմանը, որ առաջին անգամ քաղաքացին դիմեց զենքի ուժին՝ Ն. Թուխիկյանն արձագանքեց. «Ի՞նչ է նշանակում զենքով պայքար: Ապստամբ տղաները մտել են, վերցրել են զինանոցը և պայմաններ են առաջադրել, այդ պայամնները պետք է կատարվեն, գոնե երկուստեք փոխզիջում պետք է լինի, երկուստեք պիտի հասկանան, թե ինչ պետք է անել այս իրավիճակը շտկելու համար, որովհետև ցանկացած պահի կարող է տեղի ունենալ անդառնալի աղետ»:
Մանրամասները՝ տեսանյութում:
