«Երկրում իրավիճակ է փոխվել, տարի առ տարի երկրում լարվածությունը մեծանում է, երկիրն ալեկոծվել է: Այս ամենը, ինչ կատարվում է, ընդդիմության բացակայության հետևանք է»,- «Առաջին լրատվական»- ի հետ զրույցում այս տեսակետը հայտնեց «Քաղաքացիական պայմանագիր» կուսակցության խոսնակ Ալեն Սիմոնյանը՝ անդրադառնալով «Սասնա ծռեր» զինված խմբի կողմից ՊՊԾ գնդի գրավմանը:
Ալեն Սիմոնյանի կարծիքով՝ նման դեպքերը կրկնվելու են, եկել է ժամանակ, որ եթե անգամ մարդիկ դեմ են նման գործելաոճին, իրենց իրավունք չեն վերապահում դատապարտել այսպիսի գործողություններ իրականացնողներին: Նրա խոսքով՝ այս ամեն ինչի մեղավորը իշխանությունն է, լեգիտիմության բացակայութնունն է, անարդարությունն է:
Վերջին օրերի իրադարձություններին ընդդիմադիր քաղաքական կուսակցությունների, ոչ իշխանական ուժերի պասիվությանն անդրադառնալով՝ Ա. Սիմոնյանը նշեց. «Մարդիկ հասկանում են, որ իրենք ասելիք չունեն. մարդիկ կային, որ փորձեցին գալ, նույնիսկ ներս մտնել, դա նրանց չհաջողվեց»: Նրա դիտարկմամբ՝ կուսակցությունների մեծ մասը համարում է, որ այս իրադարձություններն իրենց հետ կապ չունեն և հետագայում իշխանության հետ իրենց համագործակցությանը վնաս չտալու և վատ ելքի դեպքում իրենց պատասխանատվության բաժինը չունենալու համար այդպիսի դիրքորոշում ունեն:
Մանրամասները՝ տեսանյութում:
