Հո Վան Թհան անունով տղամարդը և նրա որդին՝ Հո Վան Լանգը, որոնք 40 տարի անցկարցրել են վիետնամական ջունգլիներում՝ այնտեղ փախչելով վիետնամական պատերազմի ժամանակ (1956–1975), վերադարձել են տեսնելու՝ ինչպիսին է իրենց հին տունը: Այս մասին գրում է Daily Mail-ը:
Նշվում է, որ տղամարդիկ գտնվել են 2013թ. և այդ ժամանակվանից ի վեր հարմարվել են ժամանակակից կյանքին, բայց վերջերս նրանք լուսանկարչի հետ նորից այցելել են ջունգլիների իրենց տուն:
3 տարի առաջ հաղորդվում էր, որ 82-ամյա Հո Վան Թհանը և 41-ամյա Հո Վան Լանգը հարազատ գյուղը լքել են 40 տարի առաջ ռմբակոծությունից հետո: Նրանք ապրել են գետնից մոտ 5 մ բարձր փայտե հյուղակում և այդ ամբողջ ընթացքում կապ չեն ունեցել քաղաքակարթության հետ: Տղամարդիկ գոյատևել են անտառում մրգեր հավաքելով, նաև եգիպտացորեն աճեցնելով: