ԵՊՀՄ Գիտահետազոտական կենտրոնի տնօրեն, հոգեբանական գիտությունների դոկտոր Կամո Վարդանյանը «Առաջին լրատվական»-ի հետ զրույցում Մանկավարժական համալսարանի ուսանողուհու ինքնասպանության գործի առնչությամբ տեղեկացրեց, որ հարուցվել է քրեական գործ, տարվում է նախաքննություն:
Նրա խոսքով՝ հասարակության մեջ երևույթի նկատմամբ կան տարբեր մեկնաբանություններ, որոնք սուբյեկտիվ են. «Ես՝ որպես մասնագետ, նպատակահարմար եմ համարում սպասել՝ մինչև նախաքննությունը օբյեկտիվ տարբերակով ընթանա, որովհետև ոչ ոք չգիտի ճիշտը»:
Ինչպես նկատեց մեր զրուցակիցը, բուհում քննությունների հետ կապված ստեղծվել են բոլոր պայմանները, որպեսզի ուսանողները սթրեսի չենթարկվեն և հեշտությամբ հանձնեն քննությունները:
«Այն ինֆորմացիան, որի մասին գրվում, խոսվում է, դեստրուկտիվ, հասարակության վրա բացասական ազդեցություն ունեցող ինֆորմացիա է: Հետևապես նմանատիպ ինֆորմացիաների վերաբերյալ անհրաժեշտ է շատ զգույշ լինել, որովհետև ունի վարակիչ նշանակություն»,- ասաց պարոն Վարդանյանը՝ լրատվամիջոցներին հորդորելով հարցին մոտենալ զգուշորեն ու օբյեկտիվորեն, նաև՝ գիտականորեն: