Մարկ Ցուկերբերգ անունով մի փաստաբանի «դուրս են թողել» Facebook սոցիալական ցանցից, քանի որ նա իրեն ներկայացնում էր որպես այդ ցանցի հիմնադիր: Երկու տարի առաջ 49-ամյա Մարկ Ցուկերբերգին մերժել էին հաշիվ տրամադրել ցանցում, քանի նա դեռ չէր ներկայացրել, որ իրականում ինքը «գոյություն ունի», և որ դա իրական անուն-ազգանուն է և իր հաշիվը կեղծ չէ:
Այդ օրվանից փաստաբանն ամեն օր ընկերանալու մոտ 500 հայտ էր ստանում պատահական օգտատերերից: Բացի այդ, նրան հաճախ զանգում և բողոքում էին Facebook-ի հետ կապված խնդիրներից, թեպետ ինքն այդ ցանցի հետ կապ չունի:
Երկուշաբթի օրը նրա հաշիվն անսպասելիորեն արգելափակվել է` այն պատճառաբանությամբ, որ «հաշիվը կեղծ է եղել», այսինքն` նրան կրկին ակնարկել են, որ ինքն ինքը չէ: Ինդիանապոլիսում բնակվող Մարկ Ցուկերբերգից որոշ ժամանակ անց կրկին ներողություն են խնդրել` ակտիվացնելով նրա հաշիվը:
Իսկ խեղճ փաստաբանի այս դժվարությունները կապված են այն հանգամանքի հետ, որ նրա անուն-ազգանունը համընկել է facebook-ի հիմնադիր Մարկ Ցուկերբերգի անվան հետ: Հենց այդ հանգամանքը ստիպել է ինդիանապոլիսցի փաստաբանին բացել կայք` I am Mark Zukerberg.com կայքը («Ես Մարկ Ցուկերբերգն եմ»), որտեղ հեղինակը պատմում է իր անվան հետ կապված զավեշտալի պատմությունների մասին:
