ՀՀ քննչական կոմիտեի Կոտայքի մարզային քննչական վարչությունում քրեական գործ է հարուցվել 7 տարեկան տղային` հետիոտնի քայլելու համար նախատեսված վայրում վրաերթի ենթարկելու դեպքի առթիվ:
Այս մասին «Փաստինֆո»-ի հարցմանն ի պատասխան հայտնել են ՀՀ քննչական կոմիտեից` նշելով, որ քրեական գործը հարուցվել է ՀՀ քրեական օրենսգրքի 242-րդ հոդվածի 2-րդ մասով, վարորդը ձերբակալվել է:
Հիշեցնենք, որ Հրազդան քաղաքի բնակիչ, 39-ամյա Վանիկ Սարգսյանն իր վարած ВАЗ 2104 մակնիշի ավտոմեքենայով Հրազդան միկրոթաղամասի Անդրանիկի փողոցում վրաերթի է ենթարկել մայթով քայլող 7-ամյա տղային: Երեխան տեղում մահացել էր:
