Տարածաշրջանային հետազոտությունների կենտրոնի առաջատար վերլուծաբան Դավիթ Շահնազարյանը չի կարծում, որ ռուս-թուրքական հարաբերությունների հաշտեցումը դրական ազդեցություն կունենա տարածաշրջանի համար. «Այս լարվածությունների մեջ շատ ավելի նշանակություն ունի ոչ թե պետությունների միջև հակասությունները, այլ նախագահների միջև անձնական հակասությունները»:
Նրա խոսքով՝ այս երկու պետություններն իրականում ունեն ընդհանուր շահեր, քանի որ նրանք երկուսն էլ հայտնվեցին միջազգային մեկուսացման մեջ. «Եվ ահա այդ ընդհանուր շահերը գերիշխեցին երկու նախագահների անձնական ամբիցիաներին»:
Ինչպես նկատեց Դավիթ Շահնազարյանը՝ այս երկու երկրների միջև հարաբերությունները շատ արագ կվերականգնվեն, և ոչ միայն առևտրային, այլ նախևառաջ՝ քաղաքական հարաբերությունները. «Ես բավական մեծ վտանգ եմ տեսնում, որովհետև սա ինձ հիշեցնում է Լենին-Աթաթուրք դաշինքը՝ իր հայտնի բոլոր հետևանքներով»:
Վերլուծաբանի խոսքով՝ վերականգնվում է Մոսկվա-Բաքու-Անկարա առանցքը. «Այստեղից, կարծում եմ, Հայաստանի իշխանությունները շատ մեծ հետևություններ պետք է անեն, որովհետև Մոսկվայի և Անկարայի միջև լարվածության ժամանակահատվածը Հայաստանի իշխանությունները չօգտագործեցին»:
Մանրամասները՝ տեսանյութում: