Ռուսական TASS լրատվական գործակալության փոխանցմամբ՝ Ռուսաստանի արտգործնախարար Սերգեյ Լավրովը Ֆրանսիայի արտգործնախարար Ժան Մարկ Էյրոյի հետ հանդիպման ժամանակ հայտարարել է, որ Ֆրանսիայի հետ երկխոսությունը զարգանում է կառուցողականորեն:
Հանդիպման ժամանակ Լավրովն ու Էյրոն երկկողմ հարաբերություններից բացի, քննարկել են ահաբեկչության դեմ պայքարի հարցը և մասնավորապես Թուրքիայում իրականացված ահաբեկչությունը:
Էյրոն հայտարարել է, որ ահաբեկիչները հարվածներ են հասցնում ամենուրեք և ընդգծել է ահաբեկչության դեմ պայքարում միջազգային ուժեղացված համագործակցության ու փոխգործակցության անհրաժեշտության հարցը:
Էյրոն հայտարարել է, որ Ֆրանսիան առաջարկել է Փարիզում անցկացնել Ղարաբաղյան հակամարտության կարգավորմանը նվիրված հանդիպում. «Մենք քննարկել ենք Լեռնային Ղարաբաղում տիրող իրավիճակը: Սերգեյ Լավրովն ինձ իրազեկեց Սանկտ Պետերբուրգում Հայաստանի, Ադրբեջանի ու Ռուսաստանի նախագահների միջև անցկացված բանակցությունների արդյունքների մասին: Մենք պատրաստ ենք հարթակ տրամադրել՝ Փարիզում նոր քննարկումներ անցկացնելու համար»: