ԱԺ Պաշտպանության, ազգային անվտանգության և ներքին գործերի մշտական հանձնաժողովի նախագահ Կորյուն Նահապետյանն այսօր խորհրդարանում լրագրողների հետ զրույցում նշեց, որ իր համար անհասկանալի է Ռուսաստանից 200 միլիոն դոլար արժողությամբ պաշտպանական նշանակության վարկի շուրջ ստեղծված աժիոտաժը:
«Գոյություն ունի բանակցությունների ընթացք, արդեն իսկ վավերացված համաձայնագրի կատարման շրջանակներում: Լիազոր մարմինները, որ հանդես են գալիս կողմերի անունից, իրականացնում են այն գործողությունները և կատարում են այն պարտավորությունները, որոնք նախատեսված են համապատասխան համաձայնագրով։
Պետք չէ ավելորդ աժիոտաժ ստեղծել, արտաքին տպավորություն ստեղծել, իբրև թե աշխատանքներ չեն կատարվում, կամ, առավել ևս, պետք չէ կասկածի տակ դնել մեր ռազմավարական դաշնակցի հետ հարաբերությունները,- ասաց Կորյուն Նահապետյանը։
Մանրամասները՝ տեսանյութում: