ՀՕՊ համաձայնագրի շուրջ քննարկման ժամանակ պատգամավոր Զարուհի Փոստանջյանն իր խոսքում նշեց. «Համաձայնագրի 6-րդ հոդվածով մենք բավականին լիազորություններ ենք տալիս Ռուսաստանին։ Ռուսաստանն այսօր իր գործընկերն է համարում Ադրբեջանին և ոչ միայն չի պատրաստվում տված «սոնցեպյոկ»-ներն ու «սմերչ»-երը ետ չվերցնել, այլ շարունակելու է մատակարարումն իր ռազմավարական գործընկերոջը։ Իսկ մեզ համար Ռուսաստանը դեռ 80 տոկոս փաստաթուղթ է ստորագրել, այսինքն` 80 տոկոս մակուլատուրա եք հավաքել մեզ համար»։
Դիմելով ԱԺ արտաքին հարաբերությունների մշտական հանձնաժողովի նախագահ Արտակ Զաքարյանին՝ Զ. Փոստանջյանը հարցրեց. «Ինչպե՞ ս եք պատկերացնում ձեր գործընկերությունը, երբ հանձնում եք իրավասությունները Ռուսաստանին։ Նրանք էլ պետք է այդ իրավասություններն օգտագործեն։ Մեր ունեցած արժեքավոր տեղեկատվությունն իրենք փոխանցելու են մեր թշնամուն։ Սա դուք ինչպե՞ս եք գնահատում։ Պարոն Սերժ Սարգսյանը մեկնեց Սանկտ-Պետերբուրգ և այնտեղից միայն այս համաձայնագիրը եկավ, մտավ խորհրդարան՝ արտահերթ նիստով։ Ի՞նչ է պայմանավորվել Սերժ Սարգսյանը, ո՞րն է այդ ապօրինի գործարքի առարկան, հաջորդ դավաճանական քայլը ո՞րն է»։
Մանրմամասները՝ տեսանյութում:
