ԱԺ արտահերթ նիստում հայ-ռուսական ՀՕՊ համաձայնագրի վերաբերյալ քննարկման ժամանակ հայտարարեց ԱԺ պատգամավոր, «Ազատ դեմոկրատներ» կուսակցության նախագահ Խաչատուր Քոքոբելյանը ևս մեկ անգամ հայտարարեց, որ ապրիլյան քառօրյա պատերազմը ցույց տվեց, որ Ռուսաստանը իրեն չդրսևորեց այնպես, ինչպես պետք է դրսևորեր ռազմավարական, ռազմական դաշնակիցը:
Պատգամավորի դիտարկմամբ՝ Ռուսաստանը Հայաստանի հետ հարաբերություններում իր պարտավորությունները չի կատարում: Անդրադառնալով Ռուսաստանի կողմից Ադրբեջանին զենք վաճառելուն և այդ կապակցությամբ Հայաստանի իշխանությունների արտահայտած մտահոգություններին, Խ. Քոքոբելյանն ընդգծեց. «Ի՞նչ մտահոգությունների մասին է խոսքը: Հայաստանի Հանրապետությունը ուղղակի պարտավոր է ոչ թե մտահոգություն հայտնել Ռուսաստանի կողմից Ադրբեջանին զենք վաճառելու առումով, այլ բացատրություն պահանջել, թե ինչու է Ռուսաստանը խախտում հայ-ռուսական բարեկամության պայմանագրի 3-րդ կետը, որով պարտավորություններ ունեն մեկը մյուսի նկատմամբ անվտանգությանը միտված հասանելի միջոցներով նպաստել փոխադարձ անվտանգության ամրապնդմանը»:
Մանրամասները՝ տեսանյութում:
