«Իհարկե շատ կարևոր են հրապարակային, լիագումար նիստում հնչող ելույթները, բայց ԵԽԽՎ-ում ամենակարևոր աշխատանքը քաղաքական խմբերում և հանձնաժողովներում տարվող աշխատանքն է «Առաջին լրատվական»- ի հետ զրույցում այսպիսի տեսակետ հայտնեց ԱԺ ԲՀԿ խմբակցության պատգամավոր ԵԽԽՎ-ում ՀՀ պատվիրակության անդամ Նաիրա Զոհրաբյանը՝ հավելելով, որ այս պահին իրավասու չէ այդ կատարված աշխատանքի մասին փակագծերը բացելու: Նա հավաստիացրեց, որ բավականին աշխատանք է տարվել քաղաքական խմբերում:
«Բոլորս՝ ԵԽԽՎ պատվիրակության պատվիրակների մեծ մասը, ելույթներում անդրադարձանք ԵԽ Ռասիզմի և անհանդուրժողականության հանձնաժողովի զեկույցին, որտեղ առաջին անգամ հստակ պարբերություն կար Ադրբեջանում հայատյացության և հայերի նկատմամբ ատելության քարոզի վերաբերյալ: Հստակ անդրադարձ կար այն մասին, որ Ադրբեջանում մի ամբողջ սերունդ մեծանում է Ռամիլ Սաֆարովին հերոսացնելով: Եվ սա շատ վտանգավոր է այդ երկրի սերունդների համար: Այս ամենը հենց այնպես չի եղել»,- նշեց Ն. Զոհրաբյանը:
Նա տեղեկացրեց, որ ինքը տարիներ շարունակ ԵԽ Ռասիզմի և անհանդուրժողականության հանձնաժողովին ուղարկել է ադրբեջանական դասագրքերից օրինակներ: «Ես հասարակ օրինակ բերեմ Ադրբեջանի հանրակրթական դպրոցներում դասավանդվող Անատոմիայի 6-րդ դասարանի դասագրքից: Տրված է հարց. «Ե՞րբ են հղի ադրբեջանուհու սրտի զարկերը հասնում 160-ի»: Տրված է երեք պատասխան, որտեղից 6-րդ դասարանի երեխան պիտի ընտրի ճիշտ պատասխանը, ճիշտ պատասխանն, ըստ այդ դասագրքի, հետևյալն է «Հղի ադրբեջանուհու սրտի զարկերը հասնում են 160-ի այն ժամանակ, երբ նա Ղարաբաղում մազապուրծ փախչում է մարդասպան հայերից»»:
Նաիրա Զոհրաբյանի հավաստմամբ՝ այսպիսի օրինակները ադրբեջանական դասագրքերում բազմաթիվ են:
Մանրամասները՝ տեսանյութում: