Ազգային ժողովի այսօրվա արտահերթ նիստում «Ավելացված արժեքի հարկի մասին» Հայաստանի Հանրապետության օրենքում լրացումներ կատարելու մասին նախագծի քննարկման ժամանակ ՀԱԿ խմբակցության պատգամավոր Հրանտ Բագրատյանը նշեց. «Ես դեմ չեմ, որ այս նախագիծն ընդունվի, բայց համառորեն պնդում եմ, որ երեք տարվա ընթացքում Հայաստանը ավելացված արժեքի հարկից անցնի շրջանառության հարկի, որը թույլ կտա անցնել ավելի պարզեցված հարկային համակարգի և ներդաշնակացնել փոքրի ու միջին ու խոշորի հարկումը, որը շատ հրատապ է մեզ համար: Եթե ԱԱՀ-ն մնա, մենք դրան երբեք չենք հասնի»:
ՀԱԿ պատգամավորի կարծիքով՝ Հայաստանը պետք է հետևի զարգացած երկրների օրինակին, որոնք արդեն հրաժարվել են ավելացված արժեքի հարկից:
Մանրամասները՝ տեսանյութում: