Չորս-հինգ ամիս է՝ քաղաքական ուժերը և ՀԱԿ-ը չարչարվում են լավ Ընտրական օրենսգիրք ունենալու համար: Լավ օրենքը ընտրություններ լավ անցկացնելու համար է, իսկ լավ ընտրությունները նրա համար են, որ տեսնեն թե ժողովուրդն ում է ձայն տալիս: Ցանկացած երկրի ժողովրդավարացման չափը, աստիճանը տվյալ երկրի ժողովրդի կամքի դրսևորումն է խորհրդարանի, նախագահի ընտրությունների ժամանակ: Այս մասին այսօր ԱԺ-ում լրագրողների հետ զրույցում ասաց ԱԺ ՀԱԿ խմբակցության քարտուղար Արամ Մանուկյանը:
«Մենք չարչարվում ենք հիմա և, եթե ընդունվում է, իսկ ես հույս ունեմ, որ կընդունվի, և սա կդառնա հնարավորություն օրինական իշխանափոխություն իրականացնելու համար, և սա կդառնա զարգացման լավագույն աստիճանը»,- նշեց Ա. Մանուկյանը: Նրա խոսքով` սակայն սա չի նշանակում, որ հաջորդ ընտրությունները լինելու են իդեալական. «Բայց գոնե կեղծիքի մեծ տաշտը, նույն դաշտը, որ իրենք վարում էին, չի լինելու»:
Մանրամասները՝ տեսանյութում:
