ՀՀԿ խմբակցության ղեկավար Վահրամ Բաղդասարյանը ԱԺ այսօրվա արտահերթ նիստում հայտարարեց, որ մի փոքր անակնկալի է եկել օրենսգրքի շուրջ այս աժիոտաժից. «Մտածում էի, որ մանրակրկիտ քննարկումներից հետո կլինեն կարճ ելույթներ, քանի որ տվել են իրենց համաձայնությունը, սակայն եղավ 27 հարց, ելույթներ ու խոսում էին ամեն ինչից, բացի բուն թեմայից: Հարգելի արմատականներ, ծայրահեղականներ ու թվացյալ ընդդիմադիրներ, խնդրում եմ, վերջ տվեք ձեր պայքարին, թե ով է ավելի ընդդիմադիր: Հանրությունն ամեն ինչ ընկալում է:Այստեղ գնում է մի պայքար, որ սկսել են իրար մրոտել, թե իրենք են իսկական ընդդիմադիրը: Այս ԸՕ շուրջ դադարեցրեք այդ պայքարը. ընտրությունների կազմակերպման համար անհրաժեշտ է քաղաքական կամք թե իշխանությունների, թե ընդդիմության կողմից»:
Ըստ նրա՝ փորձ է արվում ամեն դրական վերագրել ընդդիմությանն ու փնովեն կառավարությանը. «Այս քննարկումները պետք է շարունակվեն 2017թ., ու ողջամիտ առաջարկությունների դեպքում դրանք կներառվեն ԸՕ մեջ՝ ավելի կատարելագործելու համար: Ինչ վերաբերում է համաձայնագրով նախատեսած գումարի հայթայթմանը, ապա դրանք կարող ենք համատեղ ուժերով ձեռք բերել. այս աշխարհում փող շատ կա, մեր պատգամավորների մեջ էլ կան շատ մեծ վարպետներ գրանտների, որ դրա ձևերը գիտեն, թե ինչպես բանակցությունները տանել»:
Մանրամասները՝ տեսանյութում: