ՀՀԿ խմբակցության պատգամավոր Վահրամ Մկրտչյանն ԱԺ այսօրվա արտահերթ նիստում նշեց, որ հունիսի 16-ին ԸՕ-ի շուրջ կայացել է քաղաքական համաձայնություն և քաղաքական ուժերը մի շարք հարցերի վերաբերյալ համաձայնություն են ձեռք բերել, որն էլ այսօր ներկայացված է: Նրա դիտարկմամբ՝ առաջարկվող փոփոխությունները, ընտրությունների նկատմամբ կբարձրացնեն հանրային վստահությունը:
«Համաձայնագիրը ստորագրել են գրեթե բոլոր խորհրդարանական խմբակցությունները, սակայն, լսելով որոշ ընդդիմադիր գործընկերների ելույթներին, չի հասկացվում, թե նրանք իրենց իսկ կողմից առաջարկված համաձայնություններին կո՞ղմ են, թե՞ դեմ: Խոսքս, սակայն, ոչ բոլորին է վերաբերում:
Երեկվա իմ միտքը շարունակեմ, որ ասացի՝ ժողովրդավարությունն անկուշտ է: Անկուշտ է, քանի որ ինչ ձեռքբերումներ ունենա, ապա էլ ավելի պետք է պահանջի, և հետևաբար, պետք է անկուշտ լինի նաև ընդդիմությունը՝ առաջարկությունների նկատմամբ և փոփոխություններ առաջարկելով: Այս պահին և այս պարագայում ընդդիմությունն այդ վարքագիծն է դրսևորում, շատ անկուշտ է և անգամ փորձում է իր առաջարկությունը քննադատել»,- ընդգծեց պատգամավորը:
Մանրամասները՝ տեսանյութում: