Միջազգային վարկանիշային Standard&Poor’s (S&P) և Fitch գործակալություններն իջեցրել են արտարժույթով և ազգային արժույթով Մեծ Բրիտանիայի երկարաժամկետ վարկային վարկանիշները։ Այս մասին ասվում է գործակալությունների մամլո հաղորդագրություններում՝ փոխանցում է TASS գործակալությունը։
Այսպիսով S&P-ն փոխել է ցուցանիշը՝ ամենաբարձր ААА-ից դարձնելով АА՝ բացասական կանխատեսմամբ։
Fitch-ն իր հերթին իջեցրել է վարկանիշները АА+ արդյունքից՝ հասցնելով АА-ի՝ կրկին բացասական կանխատեսմամբ։
«Վարկանիշի նվազումը արտացոլում է մեր կարծիքն այն մասին, որ ԵՄ-ից Մեծ Բրիտանիայի դուրս գալու դեպքում դա կարող է բացասաբար ազդել ընդհանուր առմամբ երկրի տնտեսության վրա, ինչպես նաև ՀՆԱ աճի և բյուջեի հաշվեկշռի»,- կարծում են S&P-ի վերլուծաբանները։
Վարկանիշի բացասական կանխատեսումն արտացոլում է տնտեսական ռիսկերը երկրի համար, ինչպես նաև Բրիտանիայի ազգային արժույթի՝ ֆունտի դերը՝ որպես պահուստային արժույթ։
Fitch-ի վերլուծաբանների կարծիքով՝ հանրաքվեի շուրջ անորոշությունը կարող է հանգեցնել կարճաժամկետ հեռանկարում երկրի ՀՆԱ աճի դանդաղման: