Հիմնական եվրոպական արժույթները երկուշաբթի շարունակում են մնալ Brexit-ի ճնշման ներքո։ Այս մասին հայտնում է RIA Novosti-ն՝ հղում անելով վաճառքի տվյալներին։
Այսօր առավոտյան ֆունտ ստերլինգի փոխարժեքը դոլարի նկատմամբ նվազել է 1,3676 դոլարից՝ հասնելով 1.3391 դոլարի։ Եվրոյի փոխարժեքը դոլարի նկատմամբ երեկվա 1,1116 դոլարից իջել է՝ հասնելով 1,1020 դոլարի։ Դոլարի ինդեքսը (դոլարի փոխարժեքը ԱՄՆ 6 հիմնական առևտրային գործընկերների արժույթների զամբյուղի նկատմամբ) աճել է 0.23 տոկոսով՝ հասնելով 96.13 կետի։
«Ինչ վերաբերում է ֆունտին, ապա այն կարող է նոր նվազագույն ցուցանիշների հասնել։ Արժույթը կարող է ընկնել, քանի որ Անգլիայի բանկը, հնարավոր է, նվազեցնի տոկոսադրույքները՝ աջակցելու տնտեսությանը Brexit-ից հետո»,- Reuters գործակալությանն ասել է IG Securities-ի շուկայի վերլուծաբան Յունիսի Իսիկավան։