Իրանական IRNA լրատվական գործակալության փոխանցմամբ՝ Թուրքիայի առևտրի ու մաքսային հարցերով նախարար Բյուլենթ Թյուֆենքչին հայտարարել է, որ Իրանի հանդեպ տնտեսական պատժամիջոցների վերացումից հետո երկու երկրները նպատակադրվել են ապրանքաշրջանառության ծավալը մեծացնել երեք անգամ։
Թյուֆենքչին հայտարարել է, որ Թուրքիայի ու Իրանի միջև ապրանքաշրջանառության ծավալը կարճ ժամանակում կաճի երեք անգամ և կհասնի 30 միլիադ դոլարի։
2012 թվականին Թուրքիայի ու Իրանի միջև ապրանքաշրջանառության ծավալը կազմել է 21.9 միլիարդ դոլար, իսկ Իրանի հանդեպ տնտեսական պատժամիջոցների սահմանումից հետո՝ 2015 թվականին, այդ ցուցանիշը նվազել է մինչև 10 միլիարդ դոլարի։
Թյուֆենքչին հայտարարել է, որ 2015 թվականին Թուրքիայից արտահանման ծավալը կազմել է 144 միլիարդ դոլար, և որ իրենք նպատակադրվել են այս տարի այն հասցնել 155.5 միլիարդ դոլարի։
