Օրական ընդամենը 15 րոպե թեթև վարժությունները կարող են նվազեցնել անժամանակ մահվան հնարավորությունը 22%-ով հատկապես տարիքով մարդկանց մոտ, հայտարարել են եվրոպացի բժիշկները՝ ելույթ ունենալով Նիցայի EuroPRevent 2016 կոնգրեսում, հայտնում է RIA Novosti-ն:
Հետազոտությունների արդյունքում պարզվել է, որ լիցքային վարժությունները և սպորտը շատ օգտակար են առողջության համար: Ինչքան մարդիկ ավելի շատ են մարզվել, այնքան ավելի հազվադեպ են մահացել սրտի հիվանդություններից, քաղցկեղից և հասուն տարիքում առաջացող այլ առողջական խնդիրներից:
Գիտնականների խոսքով՝ նույնիսկ օրական 10-20 րոպե լիցքային վարժությունները բավարարել է այն բանին, որ նվազեցվի անժամանակ մահվան դեպքերը 22%-ով, իսկ 150 րոպեի դեպքում այդ ցուցանիշը եղել է 35%:
Սակայն տարեց մարդկանց խորհուրդ չի տրվում անմիջապես վազել և սկսել զբաղվել ինտենսիվ վարժություններով: Դա կարող է ոչ միայն օգուտ չբերել, այլև բազմաթիվ խնդիրներ առաջացնել: