Lenovo ընկերությունը ներկայացրել է նոր ZUK Z2 սմարթֆոնը, որը ունի Qualcomm Snapdragon 820 պրոցեսոր և 4 Գբ օպերատիվ հիշողություն, հայտնում է ZUK-ը:
Հայտնի է, որ սարքը հագեցած է 5 դյույմանոց FullHD էկրանով` ծածկված 2.5D էֆեկտով ապակիով: Սարքը ունի 64 Գբ հիմնական հիշողություն, մատնահետքերի օպտիկական սքաներ, USB Type-C պորտ և 3500 մԱժ հզորությամբ մարտկոց:
Սմարթֆոնը աշխատում է Android 6.0 համակարգով: ZUK Z2-ը նաև ունի 13 Մպ հիմնական և 8 Մպ դիմային տեսախցիկներ:
Սարքի արժեքը կազմում է մոտ 275 դոլար: