Անտուան դը Սենտ Էկզյուպերիի նկարած Փոքրիկ իշխանին պատկերող ջրաներկ նկարը Փարիզի Artcurial աճուրդի տան առևտրում վաճառվել է 133.2 հազար եվրոյով, հայտնում է RIA Novosti-ն: Լոտի նախնական գինը կազմել է 50-60 հազար եվրո:
27,9 x 21,4 սանտիմետր չափերով նկարում ջրաներկով և մատիտի մի քանի գծերով նկարված է Սենտ Էկզյուպերիի ստեղծագործության գլխավոր հերոս Փոքրիկ իշխանը: Նկարում նա կանգնած է ավազաբլուրներում, ձեռքերը առաջ է պարզել, իսկ քամին հետ է քշել նրա շարֆը և մազերը:
Գնորդի մասին հայտնի է միայն այն, որ նա ապրում է Եվրոպայում: