RIA Novosti-ի փոխանցմամբ` ոչ կառավարական խմբավորումների կողմից վերահսկվող շրջանների վրա ԴԱԻՇ զինյալների հարձակման արդյունքում Հալեպի հյուսիսային շրջանում շուրջ 8 հազար սիրիացի հայտնվել են արգելափակման մեջ, հայտնել են ՄԱԿ-ում:
«ՄԱԿ-ում ծայրահեղ անհանգստացած են շուրջ 8 հազար սիրիացիների ճակատագրով, ովքեր մարտերի պատճառով արգելափակված են Մարի և Շեյխ Իսա քաղաքների շրջակայքում (Հալեպի հյուսիսում)»,- ասված է հայտարարությունում:
ՄԱԿ-ում նաև հայտնել են Կալջիբրին և Կաֆր-Կալիբ քաղաքների մոտ մարտերի շարունակման մասին, որտեղ ապրում է շուրջ 6 հազար մարդ: Մարդիկ չեն կարող բնակավայրերը լքել նաև այն պատճառով, որ Սիրիայի հյուսիս-արևմուտքի Ազազ քաղաք տանող գլխավոր ճանապարհը փակվել է բախումների պատճառով:
Սիրիական զինվորականները բազմիցս հայտարարել են, որ ահաբեկիչները սահմանային անցակետերը օգտագործում են Թուրքիայից զենք և աջակցություն ստանալու համար, իսկ Ազազ քաղաքի ստացվածքը ահաբեկիչները հետագայում բաժանում են ըստ ճակատների: