Մադրիդի «Ռեալ»-ի պաշտպան Դանիել Կարվախալը հիասթափված է, որ չի կարող մասնակցել Եվրոպայի 2016 թվականի առաջնությանը:
24-ամյա իսպանացին մկանային լուրջ վնասվածք է ստացել Չեմպիոնների լիգայի գավաթի խաղարկության եզրափակչի Մադրիդի «Ատլետիկո»-ի դեմ հանդիպմանը: Այժմ Կարվախալը ստիպված կլինի բաց թողնել Եվրոպայի առաջնությունը:
«Զայրացած եմ: Երկու տարի պայքարել էի` Եվրոպայի առաջնությանը հանդես գալու համար: Արդյունքում` հիասթափություն: Խաղի 15-րդ րոպեին ցավ էի զգում, բայց ուշադրություն չէի դարձնում: Երկրորդ խաղակեսում ցավն արդեն անտանելի էր»,- Marca-ն մեջբերում է Կարվախալի խոսքերը: