Գերմանիայում ջրհեղեղը անցած գիշեր խլել է առնվազն 4 մարդու կյանք։ Այս մասին հայտնում է Bild պարբերականը։
Մարդկանց մահվան է հանգեցրել անձրևներից հեղեղված ավտոտնակից մեկ մարդու փրկության փորձը։ Դեպքը տեղի է ունեցել Բադեն-Վյուրտեմբերգ դաշնային հողի Շվեբիշ-Գմյունդ քաղաքում։ Նշվում է, որ զոհերից առնվազն մեկը հրշեջ ծառայության աշխատակից է։
Ավելի վաղ Վայսբախ կոմունայի ստորգետնյա ավտոտնակում գտնվել է ևս մեկ մարդու դի, որը մահացել էր անձրևներից առաջացած ջրհեղեղների հետևանքով։
Տեղեկություններ կան նաև վիրավոր հրշեջների մասին։
Welt թերթի տեղեկություններով՝ ջրհեղեղը հարավային Բադեն-Վյուրտեմբերգում հանգեցրել է բազմաթիվ մարդկանց տարհանումների։ Ուլմ քաղաքի ոստիկանությունը հայտնել է մեկ գիշերում ստացած 500 զանգի մասին։ Ջրի մակարդակը տեղ-տեղ հասնում է 1.7 մետրի։
