Օրերս տեղի ունեցավ «Հայաստան» համահայկական հիմնադրամի հոգաբարձուների խորհրդի և տեղական մարմինների 25-րդ համատեղ նիստը: 1992 թվականից գործող հիմնադրամը, օգտագործելով Հայաստանի և Սփյուռքի ներուժը, ի սկզբանե նպատակ ուներ այն ծառայեցնելու ի շահ Հայաստանի պետականության հզորացման:
Սփյուռքի ներուժը դեռևս նպատակային ու ամբողջական չի օգտագործվել, հրապարակախոս Սարգիս Հացպանյանը «Հայաստան» համահայկական հիմնադրամի գործունեության խոցելի կողմերը դեռ 15 տարի առաջ է բացահայտել. «Հիմնադրամը հիվանդ ծնված երեխա է, հղիության շրջանում առողջ չի ապրել, 3 նախագահների օրոք այդ կառույցը չի գործել»։
Սարգիս Հացպանյանը հիշում է՝ 1996 թվականին Մարտակերտի շրջանի գյուղերից մեկում հրետակոծված դպրոցը վերականգնելու նպատակով հարցում է արել «Հայաստան» հիմնադրամին՝ որքա՞ն գումար է հարկավոր դպրոցը վերականգնելու համար: Հիմնադրամի Արցախի տնօրինության ներկայացրած գումարի չափը ապշեցրել է հրապարակախոսին: Հացպանյանը որոշել է ծրագիրը կյանքի կոչել, շրջանցելով հիմնադրամին. դպրոցը վերականգնվել է հիմնադրամի ներկայացրած գումարից 4 անգամ պակաս գնով:
Վերջին տարիներին Սփյուռքի հայկական ներուժը ավելի է մեծացել, սակայն դրա հետ չի աճել սփյուռքահայերի նվիրատվության չափը: Պատճառը հասարակության վստահության պակասն է փողը տնօրինողների հանդեպ:
«Մարդիկ հասկացան, որ իրենց հետ ազնիվ չեն վարվում. «Լինսի» հիմնադրամն ինչո՞ւ փակվեց, Քըրք Քըրքորյանի այդքան միլիոններն ո՞ւր գնացին, ինչպե՞ս գնացին, ո՞ւր է Արմենչիկը՝ Արմեն Գևորգյանը, որ նախագահի օգնականն էր… Այդ Արմենչիկը հիմա միլիարդատիրոջ կարգավիճակ ունի, այդ փողերը որտեղի՞ց… Քըրքորյանին նման ազնիվ հայորդուն խաբողը եղավ Հայաստանի Հանրապետությունը…»,- նշեց Հացպանյանը՝ հավելելով, որ ազնվության պակաս է նկատում:
Մանրամասները՝ տեսանյութում: