Տաքսու վարորդի ընտանիքը, որը տեղափոխում էր թալիբների առաջնորդ Ահթար Մանսուրին և նրա հետ միասին սպանվել է ամերիկյան անօդաչուի հարվածի հետևանքով, ոստիկանությունում դիմում է ներկայացրել ԱՄՆ իշխանությունների դեմ, հայտնում է RIA Novosti-ն` հղում անելով պակիստանյան ԶԼՄ-ներին: Դիմումը ներկայացրել է սպանված տաքսիստի եղբայր Մուհամադ Ազամը:
Ինչպես նշում է Geo TV հեռուստաալիքը, փաստաթղթում չեն անվանվում ԱՄՆ-ի կոնկրետ պաշտոնական անձինք, այլ միայն նշված է, որ Պակիստանի իշխանությունները պետք է պատասխանատվության կանչեն ԱՄՆ այն պաշտոնական անձանց, ովքեր իրենց պատասխանատվության մասին հայտարարել են լրատվամիջոցներով:
Իր հերթին, Dawn պարբերականը գրում է, որ Ազամը չորս երեխաների հայր էր և ընտանիքի միակ կերակրողը: Եղբայրը հայտարարել է, որ նա կապված չի եղել որևէ ահաբեկչական խմբավորման հետ: