Մեծ Բրիտանիայում հրապարակել են £5 անվանական արժեքով պլաստիկե թղթադրամների դիզայնը՝ Մեծ Բրիտանիայի նախկին վարչապետ Ուինսթոն Չերչիլի պատկերով: Այս մասին հայտնում է The Telegraph-ը:
Հաղորդվում է, որ նոր թղթադրամները ավելի հուսալի կլինեն նախկիններից, քանի որ դրանք պատրաստվում են ամուր ճկուն պոլիմերից: Թղթադրամները հնարավոր չի լինի պատռել, և դրանք լիովին կպահպանվեն նույնիսկ լվացքի մեքենայի մեջ հայտնվելուց հետո: Նյութը, որից դրանք պատրաստվում են, չի կեղտոտվում և չի խոնավանում:
Մոտ 400 միլիոն 5 ֆունտանոց թղթադրամները շրջանառության մեջ կմտնեն սեպտեմբերին: Առաջինը դրանք կցուցադրվեն Բլենհեյմյան պալատում, որտեղ ծնվել է Ուինսթոն Չերչիլը: Չափերով դրանք 15%-ով փոքր կլինեն նախկիններից: