Անգլիական Էսեքս դքսությունում հայտնաբերվել է Երկրորդ համաշխարհային պատերազմի տարիների գերմանական «Լորենցա» ծածկագրման մեքենան՝ հայտնում է BBC-ն: Այդպիսի սարքից օգտվել է Հիտլերը` իր հրամանատարներին ծածկագրեր ուղարկելու համար:
«Լորենցա» մեքենան eBay համացանցային աճուրդում՝ 9.50 ֆունտ մեկնարկային արժեքով, հայտնաբերել է Բլեթչլի-պարկի Համակարգչային տեխնոլոգիաների ազգային թանգարանի երկրպագուներից մեկը:
«Լորենցա» մեքենան, ի տարբերություն լայնորեն հայտնի «Էնիգմայից», իր չափերի պատճառով եղել է բացառապես գրասենյակային սարք: Նա արտաքուստ հիշեցրել է գրամեքենա, որի վրա տեքստը սկզբում հավաքվել է գերմաներենով, որից հետո կոդավորվել է ռոտորային ծածկագրման մեքենայով: Հաղորդագրություն ուղարկելու համար օգտագործվել է թղթե ժապավեն, ընդ որում՝ մեքենան կարողացել է ինչպես ծածկագրել, այնպես էլ գաղտնազերծել տեքստը:
Ավելի վաղ Բլեթչլի-պարկ թանգարանը ցուցահանդեսի ժամանակ ստացել էր մի այդպիսի մեքենա Նորվեգիայի զինված ուժերից: Երբ սիրողական պատմաբանները գտնված սարքը բերել են թանգարան, դրա վրա հայտնաբերել են գերմանական բանակի պաշտոնական գրանցման համարը, որը համընկել է ցուցահանդեսի համար Նորվեգիայից բերված «Լորենցա» մեքենայի համարին:
