Արաբների և քրդերի կազմավորումները, որոնք մտնում են «Սիրիայի դեմոկրատական ուժերի» մեջ, ընդարձակում են Ռաքքայի հյուսիսային շրջանների ազատագրման գործողությունների չափերը, հայտնում է TASS-ը:
Աշխարհազորը հարձակվում է Այն-Իսա և Թել-Աբյադ հարավային քաղաքների վրա, որտեղ նրանց հաջողվել է ԴԱԻՇ-ից ազատագրել 10 բնակավայր և ֆերմա: Ահաբեկիչները կորցրել են 39 մարդ: Օդից նրանց աջակցում է ԱՄՆ-ի գլխավորած հակաահաբեկչական կոալիցիան, որը 150 հարված է հասցրել ԴԱԻՇ-ի դիրքերին:
Համաձայն ՍԴՈՒ-ի կոմյունիկեի՝ աշխարհազորը ջանում է շրջապատել Ռաքքան, որտեղ գտնվում է ԴԱԻՇ-ի հիմնական հենակետը:
Ականատեսները, որոնց հաջողվել է լքել Ռաքքան, ասել են, որ քաղաքում գտնվում են մոտ 2 հազար լավ պատրաստված վարձկաններ: Ահաբեկիչները մտադիր չեն լքել Ռաքքան և պատրաստվում են մարտի: