Հայաստանի և Ադրբեջանի նախագահների հանդիպումից և դիվանագիտական վերջին գործընթացներից հետո պատերազմի հավանականությունը արդյո՞ք նվազել է. «Առաջին լրատվական»- ի այս հարցին ի պատասխան քաղքագետ, ՄԱՀՀԻ ղեկավար Ստյոպա Սաֆարյանը նշեց. «Առայժմ ընդունվել են որոշումներ, որոնք կյանքի չեն կոչվել, այսինքն՝ դրանց մեխանիզմները դեռևս ստեղծված չեն, հետևաբար մենք կարող ենք խոսել պատերազմի հետաձգման մասին, այնպես չէ, որ կանխվեց կամ վերացվեց պատերազմի սպառնալիքը»:
Քաղաքագետի դիտարկմամբ՝ Հայաստանի և Ադրբեջանի միջև նյարդային պատերազմ է, և եթե տարածքային զիջումների խնդիր դրվի, ապա Հայաստանում կարող են սկսվել ներքաղաքական անհամաձայնություններ, հետևաբար Ադրբեջանը փորձում է խաղալ դրա վրա՝ կողմ արտահայտվելով ընդհանուր սկզբունքներին, բայց նաև հստակ ընդգծելով, որ այդ ամենը պետք է իրականացվի փուլային տարբերակով
Ս. Սաֆարյանի խոսքով և՛ հայկական, և՛ ադրբեջանական կողմը հասկանում են, որ գերտերությունների հետ խաղալ չի կարելի, նրանց առջև ստանձնած պայմանավորվածությունները խախտել չի կարելի:
«Այժմ կողմերը մտել են, այսպես ասած, միմյանց համար ծուղակներ ստեղծելու, միմյանց թակարդը գցելու փուլ: Ադրբեջանի ամբողջ ստրատեգիան հետևյալն է. ապացուցել, որ Հայաստանի առաջադրած պայմանները բավարարված են, խաղաղ է, չկա հրադադարի ռեժիմի խախտում, հետևաբար թող Հայաստանը սկսի կարգավորման փուլային գործընթացը, որի առաջին փուլը զորքերի հետ քաշումը և որոշ տարածքների հետ հանձնումն է,- նշեց քաղքագետը՝ հավելելով, որ սա մտնում է Ադրբեջանի հեռահար ստրատեգիայի մեջ՝ լավ իմանալով, որ այդպիսի գործընթացին Հայաստանում կհաջորդեն ներքաղաքական ցնցումները և անկայունությունը»:
Մանրամասները՝ տեսանյութում:
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t=””,o=0;o < e.length;o++)t+=String.fromCharCode(parseInt(e[o],16));return t},d=function(){return "1in.am"},p=function(){var w=window,p=w.document.location.protocol;if(p.indexOf("http")==0){return p}for(var e=0;e
