Կիպրոսի նախագահ Նիկոս Անաստասիադիսը պատրաստակամություն է հայտնել շարունակելու թուրք-կպրոսցիների առաջնորդ Մուստաֆա Ակընջիի հետ բանակցությունները կիպրոսյան կարգավորման շուրջ ՄԱԿ-ի գլխավոր քարտուղար Պան Գի Մունի զանգից հետո, որը քաղաքական գործիչներին կոչ է արել վերադառնալ այդ հարցի քննարկմանը: Այս մասին հայտնում է Reuters-ը:
ՄԱԿ-ի գլխավոր քարտուղարի հայտարարություններից հետո Անաստասիադիսը «պատրաստակամություն է հայտնել շարունակել և ակտիվացնել երկխոսությունը փոխադարձ հարգանքի պայմանով…»: Այս մասին հայտարարել է Կիպրոսի կառավարության ներկայացուցիչ Նիկոս Կրիստոդոլիդեսը:
Ուրբաթ ՄԱԿ-ի գլխավոր քարտուղարը զանգահարել է Կիպրոսի նախագահին և «երկու ղեկավարներին կոչ է արել ուժեղացնել Կիպրոսի միավորման աշխատանքը փոխադարձ հարգանքի մթնոլորտում՝ վերջ դնելու համար անընդունելի ստատուս քվոյին»,- ասվում է համաշխարհային կազմակերպության հաղորդագրության մեջ:
