ԱՄՆ նախագահի թեկնածու Հիլարի Քլինթոնը չի կարողանում համակարգչից օգտվել և չգիտի՝ ինչպես դրանով էլեկտրոնային նամակ ուղարկել ու ստանալ: Այսպես պնդում է Պետդեպի քարտուղարության նախկին աշխատակիցը, հայտնում է «Ռոսիա 24» հեռուստաալիքը: Դատարանում նրա ցուցմունքի տեսագրությունը հայտնվել է ամերիկյան մամուլում:
Վկայի խոսքով՝ Հիլարի Քլինթոնը կարող է նամակներ կարդալ միայն Blackberry-ի սմարթֆոնից, և նրան շատ անգամ տեսել են Պետդեպի միջանցքներում՝ բջջային հեռախոսը ձեռքին: Իսկ կառավարական գրասենյակներ մուտքը հեռախոսով, ինչպես հայտնի է, արգելված է: Քլինթոնը նաև չի կարողանում փոխել աշխատանքային համակարգչի ծածկագրերը, ինչպես դա պահանջում է Պետդեպի անվտանգության համակարգը:
