4+4+4 ձևաչափով ընտրական օրենսգրքի շուրջ իշխանության, ընդդիմության ու քաղաքացիկան հասարակության ներկայացուցիչների մասնակցությամ երկարատև, բայց շատերի կողմից անարդյունք գնահատվող քննարկումներից հետո կառավարության աշխատակազմի ղեկավար-նախարար Դավիթ Հարությունյանը հայտարարեց, որ կոնսենսուսի հնարավոր է հասնել անգամ հունիսի 1-ից հետո, ինչին հետևեց նաև ՀԱԿ խմբակցության ղեկավար Լևոն Զուրաբյանի հայտարարությունը, ով ոչ միայն չբացառեց նախարարի ասածն, այլև հնարավոր համարեց իշխանության հետ հետագա քննարկումները, չբացառելով նաև քաղհասարակության ներկայացուցիչների մասնակցությունը:
Քննարկումներին մասնակցող «Իրավունքի Եվրոպա միավորում» հասարակական կազմակերպության անդամ, փաստաբան Տիգրան Եգորյանն ընդգծում է քննարկումների միակ արդյունքը նա էր, որ վերջնականապես պարզ դարձավ, որ իշխանությունը փորձում է հնարավորինս նվազեցնել թե ընդդիմադիր քաղաքական ուժերի, և թե հասարակական կազմակերպությունների վերահսկողությունը ընտրական գործընթացների նկատմամբ: