Սիրիացիների արտագաղթի իրական պատճառները ոչ թե քաղաքական են, այլ տնտեսական. դրան հանգեցրել է Եվրոպայի կողմից իրականացված տնտեսական շրջափակումը: Այս մասին հայտարարել է Սիրիայում իշխող Բաաս կուսակցության մշակույթի և տեղեկատվության բաժնի ղեկավար Հալյաֆ ալ Մուֆթահը:
«Տնտեսական պատժամիջոցները, որոնք հանգեցրին սիրիական ժողովրդի աղքատության և կարիքի, սիրիացիներին ստիպեցին գաղթել կամ պետության վերահսկողության տակ գտնվող երկրի ներքին շրջաններ, որտեղ պետությունը ապահովում է նրանց հիմնական պահանջմունքները, կամ մեկնել Արևմուտք, որտեղ նրանք ծանրաբեռնում են Եվրոպան: Այսպիսով՝ այդ պատժամիջոցները հակասում են այն պնդումներին, թե միգրացիան ունի քաղաքական պատճառներ, քանի որ իրական պատճառը Եվրոպայի կողմից տնտեսական շրջափակումն է»,- հայտնել է նա Sputnik գործակալությանը: