Հայաստանի և Ադրբեջանի նախագահների հանդիպումը կարող է տեղի ունենալ Ֆրանսիայում: Բայց մինչ այդ կան որոշ հարցեր, որոնք պետք է ճշտվեն, օրինակ՝ ո՞վ պետք է գլխավորի այդ հանդիպումը, Ֆրանսիայի արտաքին գործերի նախարար Ժան-Մարկ Էյրոն կամ եվրոպական հարցերով պետքարտուղար Հարլեմ Դեզիրը, թե՞ նախագահ Ֆրանսուա Օլանդը:
Այդ մասին «Առաջին լրատվական»-ի հետ զրույցում նշեց Ֆրանսիայի Ռազմավարական հետազոտությունների կենտրոնի փորձագետ, քաղաքագետ Կայծ Մինասյանը՝ խոսելով Ադրբեջանի արտգործնախարար Էլմար Մամեդյարովի՝ Ֆրանսիա կատարած վերջին այցի մասին:
«Հստակ չէ նաև այն, թե արդյոք համանախագահող մյուս երկրների արտաքին գործոց նախարարները՝ Լավրովը և Քերին, ներկա կգտնվե՞ն հանդիպմանը, թե՞ ոչ: Եթե Վիեննայի հանդիպման շարունակության մեջ ենք, դա նույնպես կարևոր է: Այստեղ Ֆրանսիայում ֆուտբոլի մրցույթ պետք է լինի՝ «Եվրո-2016»-ը, և գիտենք, որ ազերիները, իբրև նավթային ընկերություն, ներկա պետք է գտնվեն այդ մրցույթին Ֆրանսիայում՝ Փարիզում: Եվ շատ հավանական է, որ Մամեդյարովը, այդ մրցույթից օգտվելով, ներկա գտնվի հանդիպմանը»,- ասաց մեր զրուցակիցը:
Կայծ Մինասյանի հետ ամբողջական հարցազրույցը կարդացեք ավելի ուշ։