Այս ամսվա ընթացքում Սիրիայի 1 մլն բնակչի մարդասիրական օգնություն հասցնելու ՄԱԿ-ի ծրագրերը միայն մասամբ են իրականացվել: Այս մասին հայտնում է BBC-ի ռուսական ծառայությունը՝ հղում անելով մարդասիրական օգնության ծրագրի համակարգող Յան Էգելանդին:
Նրա խոսքով՝ օգնություն հաջողվել է հասցնել միայն 160 հազար սիրիացու:
«Նույնիսկ այն շրջաններում, որտեղ մենք կառավարության կողմից ստացել ենք լիակատար օժանդակություն, այնտեղ հասնելը հսկայական ջանքեր էր պահանջում, իսկ մյուս տեղերում, որտեղ մենք ժամանակավոր ենք ունեցել օժանդակություն, ինչպես Դարայա քաղաքում, մենք չենք կարողացել հասնել մարդկանց»,- հայտարարել է Էգելանդը:
Նա նաև նշել է, որ Դարայա և Մուադամիա քաղաքներում ապրող երեխաները կարող են մահանալ, եթե մոտ ժամանակներս նրանց օգնություն չցուցաբերվի: