Մեքսիկայում ուսուցիչների ցույցը ցրելու փորձի ժամանակ տուժել է 15 ոստիկան, հայտնում է Noticias MVS-ը:
Կրթության ոլորտի զայրացած աշխատակիցները, որոնք դժգոհ են եղել ուսուցիչների և ԲՈՒՀ-երի դասախոսների համընդհանուր հավաստագրումից, փակել են Չյապաս նահանգի մայրաքաղաք տանող մայրուղիները: Ոստիկանները նրանց ցրելու հանար օգտագործել են ռետինե գնդակներ և արցունքաբեր գազ:
Ուսուցիչների հետ ծեծկռտուքի հետևանքով տուժել է 15 ոստիկան, 10 ցուցարարներ ձերբակալվել են, այրվել է ոստիկանական մեկ ավտոմեքենա: Ինչպես հայտնել է նահանգապետ Մանուել Վելասկոն, «իրավապահ մարմիններին հաջողվել է հետ մղել ուսուցիչների բոլոր հարձակումները», որոնք հետ են քաշվել բարիկադներով պաշտպանված իրենց ճամբարը: