Հանրապետական կուսակցությունից ԱՄՆ նախագահի փաստացի թեկնածու Դոնալդ Թրամփը խոստովանել է, որ գործարքներ կնքելիս օգտագործել է կեղծանուններ, հայտնում է RIA Novosti-ն:
«Մի շարք տարիների ընթացքում ես օգտագործել եմ կեղծանուններ, երբ աշխատել եմ անշարժ գույքում և հատկապես երբ աշխատել եմ Բրուքլինում հորս հետ, և ցանկացել եմ ինչ-որ բան գնել: Այն ժամանակ ոչ ոք չգիտեր, թե ով է Թրամփը: Ինձ ոչ ոք չգիտեր, այնպես որ, դա այնքան էլ կարևոր չէր»,- ասել է Թրամփը ABC-ի եթերում:
«Ես կեղծանուն եմ օգտագործել նախարար Դոնալդ Թրամփի հետ հանդիպում կազմակերպելու համար, և անշարժ գույքով զբաղվող շատ մարդիկ այդպես են անում: Դուք կեղծանուն եք օգտագործում, և ձեզ, ազնվորեն ասած, անհրաժեշտ է դա անել: Այլապես նրանք կիմանան, որ դուք եք, և ձեզնից ավելի շատ փող կպահանջեն: Ոչ ոք չի ուզում ավելի շատ փող վճարել»,- ավելացրել է Թրամփը:
