Facebook-ի կողմից 65 հազար օգտվողների մոտ 10 միլիոն հաղորդագրության ավտոմատ վերլուծությունը ցույց է տվել կանանց և տղամարդկանց բառապաշարում գենդերային տարբերություններ: Այդ մասին հոդվածը հրապարակված է PLOS ONE պարբերականում:
Համատեղ հետազոտության ընթացքում ԱՄՆ-ի և Ավստրալիայի գիտնականները պարզել են, որ կանանց բառապաշարում ավելի հաճախ հանդիպում են հրաշալի, երջանիկ, ծնունդ, աղջիկս, փոքրիկ, հիացած, շնորհակալ բառերը: Նաև նկատվել է, որ կանայք ավելի շատ են խոսում ընտանիքի, ընկերների և մարդկանց միջև փոխհարաբերությունների մասին:
Տղամարդիկ գերադասում են քննարկել առարկաներ, այլ ոչ թե մարդկանց: Ավելի հաճախ վեճեր են ստեղծում և ջանում են պնդել իրենց կարծիքը: Տղամարդիկ իրենց խոսքում հանդես են բերում թշնամական տրամադրվածություն: