Հույն հնէաբան Կոստաս Սիսմանիդիսը պնդում է, որ 20 տարվա պեղումներից հետո հնագույն Ստագիրայում (Քաղկեդոնյան թերակղզում ներկայիս Օլիմպիադա ավանը) գտել է հին հունական փիլիսոփա Արիստոտելի գերեզմանը, հայտնում է ERT հեռուստաալիքը:
Գերեզմանը գտնվել է 1996 թվականին, սակայն այն ժամանակ միայն ենթադրություններ են արվել, որ դա մեծ փիլիսոփա, Ալեքսանդր Մեծի ուսուցիչ Արիստոտելի գերեզմանն է:
Սալոնիկում տեղի ունեցած «Արիստոտել-2400» կոնֆերանսի ժամանակ Սիսմանիդիսը հայտարարել է, որ կան նոր և ծանրակշիռ ապացույցներ, որ դա Արիստոտելի գերեզմանն է:
Արիստոտելը ծնվել է Ստագիրայում մ.թ.ա. 384 թվականին: Նա առաջինն է եղել, ով ստեղծել է փիլիսոփայության համապարփակ համակարգ: