ԵՄ անդամ երկրները մտադիր են երրորդ երկրների վրա տարածել ներկայիս միգրացիոն ճգնաժամին հարմարեցված առանց վիզայի ռեժիմի գործողության ժամանակավոր դադարեցման մեխանիզմի ազդեցությունը՝ այդ թվում Ուկրաինայի և Վրաստանի վրա: Այդ մասին RIA Novosti-ին հայտնել է Բրյուսելում դիվանագիտական աղբյուրը:
Բրյուսելում մայիսի 20-ի նիստի ժամանակ ԱԳ նախարարները հավանություն են տվել Եվրահանձնաժողովի առաջարկին՝ անօրինական միգրացիայի արագ աճի դեպքում երրորդ երկրների հետ առանց վիզայի ռեժիմի դադարեցման մեխանիզմում փոփոխություններ մտցնելուն: Նախարարները համարում են, որ արտաքին երկրների հետ ԵՄ առանց վիզայի ռեժիմի ազատականացման մասին ցանկացած հետագա քայլերը պետք է կատարել միայն տվյալ մեխանիզմի գործարկելուց հետո:
«ԵՄ երկրները մտադիր չեն Ուկրաինային և Վրաստանին սահմանափակելու առանց վիզա ռեժիմի ժամանակավոր հրաժարման հարմարեցված մեխանիզմի ազդեցությունից»,- ասել է գործակալության զրուցակիցը: Նրա խոսքերով՝ դա կարող է նշանակալիորեն դանդաղեցնել Ուկրաինային և Վրաստանին առանց վիզայի ռեժիմի տրամադրումը: