Երևանի թիվ 147 հիմնական դպրոցում Վերջին զանգի միջոցառումը հերոսապատումով է փոխարինվել: Հենց այս դպրոցն է ավարտել Արցախի հերոս, 19-ամյա ժամկետային զինծառայող, կրտսեր սերժանտ Ռոբերտ Աբաջյանը, ով ապրիլի 2-ին Լեռնային Ղարաբաղի պետական սահմանը պաշտպանելու ժամանակ հերոսաբար իր կյանքն է զոհել հանուն հայրենիքի:
9-ի Ա դասարանն է: Այս դասարանում է սովորում նաև Ռոբերտ Աբաջյանի քույրը։ Էլեն Աբաջյանը Վերջին զանգի միջոցառման ելույթի իր բաժինը բոլորից լավ գիտի, բայց առաջին օրից չի կարողանում մինչև վերջ արտասանել:
Այս դպրոցը Ռոբերտ Աբաջյանին չի մոռանա: Դպրոցի թիվ 6 դասասենյակը, որտեղ միայն ռազմագիտություն է դասավանդվում, կրում է Ռոբերտի անունը, նրա պատկերի առջև ամեն օր մոմեր են վառվում:
Ռոբերտի զինվորական գրքույկն ու անձնագիրն է, որը միշտ եղել է նրա զինվորական համազգեստի ծոցագրպանում: Այսօր դրանք իրենց տեղը կգտնեն այս դասասենյակում: Դպրոցի ուսուցիչները վստահեցնում են. այս դպրոցում ոտք դնող յուրաքանչյուր աշակերտ՝ մեծից փոքր հպարտությամբ իմանալու են, որ հենց այս դպրոցում է սովորել Արցախի հերոս, հայ ազգի արժանի զավակ կրտսեր սերժանտ Ռոբերտ Աբաջյանը: