Վեյհայ քաղաքի կենդանաբանական այգում ծովացուլի հետ սելֆի անելու փորձի ժամանակ այցելուն խեղդվել է, հայտնում է Shanghaiist-ը: Աշխատակիցը, ով փորձել է նրան փրկել, նույնպես խեղդվել է:
Ճշտվում է, որ կենդանաբանական այգու հաճախորդ Ցզյա ազգանունով բիզնեսմենը խոշոր ծովացուլին լուսանկարել և տեսանկարել է, ապա ֆայլերը տեղադրել բջջային ծրագրում: Մի պահ ծովացուլը նրան բռնել է և քաշել լողավազան:
Կենդանաբանական այգու աշխատակիցը, ով ծովացուլին խնամել է 10 տարի՝ փորձելով փրկել բիզնեսմենին, ցատկել է լողավազան: Ենթադրվում է, որ կենդանին ցանկացել է խաղալ նրանց հետ, այդ պատճառով նրանք խեղդվել են: