Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հունիսին սպասվող հանդիպման ընթացքում որևէ փաստաթուղթ չի ստորագրվի, նմանատիպ լուրերը իրականությանը չեն համապատասխանում, հինգշաբթի հայտնել է Հայաստանի ԱԳ նախարար Էդվարդ Նալբանդյանը, խորհրդարանում: Այդ մասին հայտնում է RIA Novosti-ն:
«Ինչ-որ ստորագրման մասին խոսելը ոչ թե պարզապես վաղաժամ է, այլ որևէ փաստաթուղթ չկա, որը պետք է ստորագրվի»,- ասել է նա:
«Կողմերի պայմանավորվածությունները ԵԱՀԿ Մինսկի խմբի համանախագահող երկների ԱԳ նախարարների ներկայությամբ` դա այն է, ինչը հրապարակվել է համանախագահ երկրների եռակողմ հայտարարությունում: Հայտարարությունը չի դարձել հնգակողմ (Հայաստանի և Ադրբեջանի մասնակցությամբ) այն պատճառով, որ Ադրբեջանը հրաժարվել է միանալ»,- ասել է Նալբանդյանը:
Նա նշել է, որ հայտարարությունում նշված են այն պայմանավորվածությունները, որոնք իրենց վրա վերցրել են կողմերը:
«Անժամկետ եռակողմ հրադադարին հետևելը, հրադադարի խախտման հետաքննության մեխանիզմներ ստեղծելու կարողությունը, ինչպես նաև ԵԱՀԿ գործող նախագահի անձնական ապարատի լիազորությունների ընդարձակումը` դա անհրաժեշտություն է: Եթե բացառվի այս տարվա ապրիլի իրադարձությունների կրկնվելու հնարավորությունը, ապա հնարավոր կլինի մտածել հակամարտության կարգավորման բանակցությունների նորացման մասին»,- ասել է Նալբանդյանը: