Հայաստանը ԵԱՀԿ համանախագահների հետ անում է ամեն ինչ, որ կյանքի կոչվեն ձեռքբերված բոլոր պայմանավորվածությունները: Այս մասին այսօր Ազգային ժողովում լրագրողների հետ հանդիպման ժամանակ ասաց ԱԳ փոխնախարար Կարեն Նազարյանը՝ պատասխանելով լրագրողների հարցին, թե Սերժ Սարգսյանը հայտարարել է, որ Վիեննայում ձեռքբերված՝ սահմանին հսկող սարքեր տեղադրելու մասին պայմանավորվածությունը պետք է կատարվի մինչև Ալիևի հետ մյուս հանդիպումն, այդ գործընթացն ի՞նչ փուլում է:
Հարցին հնարավո՞ր է հունիսին նախատեսված Ալիև-Սարգսյան հանդիպումը չկայանա, Նազարյանն ասաց, թե չի ցանկանում հավատալ, որ այդ գործընթացը կարող է չեղարկվել. «Որքանով ես եմ տեղյակ` պայմանավորածությունը հստակ է: Մի բան է, որ Ադրբեջանը փորձում է հետ կանգնել պայմանավորվածությունից, բայց նման պայմանավորվածություն ձեռք է բերվել և պետք է անել ամեն ինչ` ի կատար ածելու համար»: