Հայաստանի արտաքին առևտրի ռեժիմը, ըստ էության, 3 հիմնական համակարգ ունի. առաջինը՝ երրորդ երկրներ, որոնք Հայաստանի հետ չունեն առևտրային առանձին համաձայնագրեր, երկրորդը՝ այն երրորդ երկրներն են, որոնց հետ Հայաստանն ունի ազատ առևտրի համաձայնագիր, ինչպիսին Ուկրաինան է, Վրաստանը, Տաջիկստանը, Թուրքմենստանը և երրորդը՝ ԵԱՏՄ երկրներն են, որտեղից ապրանքներ են տեղափոխվում Հայաստան: Այս երեք առևտրային ռեժիմներից յուրաքանչյուրն ունի առանձնահատկություն՝ պահանջվող փաստաթղթերի, մաքասատուրքերի, ինչպես նաև լրացուցիչ անուղղակի հարկերի մասով: Այս մասին այսօր լրագրողների հետ զրույցում ասաց էկոնոմիկայի նախարար Արծվիկ Մինասյանը:
Նրա խոսքով՝ ծրագրավորվում է ապագայում ամբողջությամբ էլեկտրոնային համակարգի անցնել, մասնավորապես 11553 ապրանքատեսակների մասով կլինի էլեկտրոնային համակարգ, որտեղ ցանկացած քաղաքացի, ներմուծող, տնտեսվարող սուբյեկտ, եթե որևէ ապրանք է ուզում ներմուծել որևէ երկրից, կարող է մուտք գործել համակարգ և հավաքելով ապրանքի անվանումը կամ տասանիշ կոդը, ստանա ամբողջական տեղեկատվություն՝ ինչ փաստաթղթեր են պետք, ինչ տուրքեր և ինչ հարկային դրույքաչափեր են գործում:
Արծվիկ Մինասյանը նշեց, որ առանձնացվել են 10 հիմնական ապրանքատեսակները, որոնք դիտարկվում են որպես մենաշնորհային ոլորտներ:
«Կազմվել են հուշաթերթեր, թե ինչպես կարելի է կարագ, բանան, շաքարավազ, բենզին, ալյուր, թռչնամիս, ցիտրուսային բույսեր և այլ ապրանքներ ներկրել: Հուշաթերթերը ուղարկվել ենք ՊԵԿ և Սննդի անվտանգության ծառայություն, նրանց համաձայնությունը ստանալուց հետո կտեղադրենք Էկոնոմիկայի նախարարության կայքէջում:
Հաջորդ շաբաթ կներկայացվի վարչապետի մայիսի 12-ին տրված հանձնարարականի կատրման վիճակը, այնտեղ բացի կարճաժամկետ լուծումներից կներկայացվեն նաև երկարաժամկետ լուծումները»,- հավաստիացրեց Ա. Մինասյանը:
Մանրամասները՝ տեսանյութում: