Սիրիայի ընդդիմադիր և հեղափոխական ուժերի ազգային կոալիցիայի ղեկավար Անաս ալ-Աբդան հանդես է գալիս հօգուտ Գերմանիային, Ռուսաստանին և ԱՄՆ-ին ճգնաժամի կարգավորման բանակցային գործընթացին հավասարապես ներգրավելու: Այս մասին նա ասել է The Wall Street Journal-ին տված հարցազրույցում:
Ըստ նրա՝ առաջընթացի հասնել կհաջողվի միայն երրորդ կողմի ներգրավմամբ:
«Կան երեք երկրներ, որոնք կարող են նշանակալի դեր խաղալ, դրանք են Մեծ Բրիտանիան, Ֆրանսիան և Գերմանիան, և այդ 3-ից, կարծում եմ, Գերմանիան լավ թեկնածու է այդ դերը ԵՄ-ի կողմից խաղալու համար»,- հայտարարել է ալ-Աբդան:
Ըստ նրա՝ ԱՄՆ-ի և Ռուսաստանի հետ լավ հարաբերությունները և մեծ թվով սիրիացի փախստականների տեղաբաշխումը Գերմանիային «բարոյական հեղինակություն» են տալիս՝ մասնակցելու բանակցային գործընթացին:
