Ռուսական RIA Novosti լրատվական գործակալության փոխանցմամբ՝ Եվրոպական հանձնաժողովի նախագահ Ժան Կլոդ Յունկերը Թուրքիայի իշխանություններին կոչ է արել հրաժարվել ԵՄ-ին հնչեղ հայտարարություններով ահաբեկելուց՝ նպատակ ունենալով ցանկալի արդյունքի հասնել վիզային ռեժիմի ազատականացման վերաբերյալ բանակցություններում:
«Ինչ վերաբերում է հակաահաբեկչական օրենսդրության վերաբերյալ պահանջներին, մենք ակնկալում ենք, որ Թուրքիան հավատարիմ կլինի իր պարտավորություններին:
Սպառնալիքները լավագույն դիվանագիտական գործիքը չեն, յուրաքանչյուր ոք պետք է հրաժարվի դրանք կիրառելուց, որովհետև դրանք ընդհանրապես որևէ արդյունքի չեն հանգեցնում»,- ասել է Եվրոպական հանձնաժողովի նախագահը:
Ավելի վաղ Թուրքիայի նախագահ Ռեջեփ Էրդողանը սպառնացել է ԵՄ-ին, որ Թուրքիան դուրս կգա միգրացիոն համաձայնագրից, եթե ԵՄ-ն երկրի քաղաքացիներին չհատկացնի ոչ վիզային ռեժիմ:
