Թուրքական Milliyet թերթի փոխանցմամբ՝ ԱՄՆ պաշտպանության նախարարի՝ տեխնոլոգիական գծով տեղակալ Ֆրենկ Քենդալը հայտարարել է, որ նոր սերնդի F-35 ինքնաթիռների վերջին թեստերը տեղի չեն ունենա մինչև 2018 թվականը:
Նա ընդգծել է, որ իրենք ավելի վաղ պլանավորել էին ամփոփիչ այդ փորձարկումներն իրականացնել 2017 թվականի կեսերին, սակայն հարցը ձգձգվում է: Խնդիրներ են ծագել 23 ինքնաթիռների հարցում, որոնք պլանավորված էր փորձարկել:
Թերթը հիշեցնում է, որ Թուրքիան ընդգրկված է F-35-ների արտադրության մեջ ներգրավված 9 երկրների համատեղ կոնսորցիումում, որում ԱՄՆ-ից ու Թուրքիայից բացի, ընդգրկված են Ավստրալիան, Կանադան, Դանիան, Իտալիան, Նիդերլանդները, Նորվեգիան, Մեծ Բրիտանիան, Գերմանիան:
Թուրքիան ընդհանուր առմամբ պատվիրել է 100 հատ F-35 մարտական ինքնաթիռ: Ակնկալվում էր, որ Թուրքիան դրանցից առաջին երկուսը պետք է ստանար 2017 թվականին: